TINGNAN | Upang masigurong tama ang timbang ng mga produktong binibili ng ating mga kailyan at bilang pagsunod sa direktiba ng DTI katuwang ang Lokal na Pamahalaan ng Moncada ay isinagawa ang pagkumpiska sa mga depektibo o sirang timbangan sa ating pampublikong pamilihan.
Ayon kay Gng. Carlota Bautista, Market Operations Supervisor, napakahalaga na tama ang timbang ng mga produktong binibili ng bawat konsyumer lalung lalo na sa wet market section, na siya namang sinang-ayunan ng bawat nagtitinda at mamimili.