Ngayong Pasko sana ay patuloy pong mamayani sa ating mga puso ang diwa ng pagmamahalan, pagbibigayan at pagmamalasakit sa ating kapwa. Hindi lamang po tuwing sasapit ang Pasko kundi maging sa araw araw nating pamumuhay, may posisyon man tayo sa pamahalaan o pangkaraniwang mamamayan ay maaari po tayong magbigay ng saya at pag-asa sa bawat isa.

Bagama’t napakarami po ng ating mga nalampasang pagsubok, hindi po tayo natinag at patuloy tayong tumatayo at nananalig upang maging mas matatag sa kung ano man ang paparating sa ating hinaharap.

Moncadenians, mga kailyan… kayo po ang patuloy na nagbibigay pag-asa at liwanag sa ating mahal na bayan. Dalangin ko po ang isang mapayapa, maligaya at makabuluhang selebrasyon ng kapaskuhan para sa ating lahat.