“Ang kuwento ng EDSA, kuwento ng pagtindig at paglaban para sa pangarap ng paglaya. Kuwento ito ng pagkakaisa— ng kabataan at matatanda, ng buong bansa, ng mga madreng lumuluhod sa harap ng baril at sa mga sundalong di mapigilang maluha nang sabitan ng rosaryo ang mga baril na ito. Kuwento ito ng pagmamahal. Puso at pagmamahal ang nagdala ng tagumpay ng bayan sa EDSA. At tuwing isinasabuhay natin ang pagmamahal na ito— People Power man o People’s Campaign; sa mapayapang rebolusyon man o napakahalagang halalan—kaisa natin ang lahat ng henerasyong nauna at susunod pa: Sa pagtindig, pagkakapit-bisig, at pagbubukas ng loob sa kapwa, sa ngalan ng isang maunlad, mapagpalaya, at makataong bukas.” – VPLR